ცნობილი ბრენდები

 როგორ დაიპყრეს მათ ბაზარი? რატომ ირჩევს ხალხი ამ პროდუქტს? და რამდენად პოპულარულები არიან ისინი? მინდა წარმოგიდგინოთ მსოფლიოში ყველაზე ცნობილი ბრენდები და მათი განვითარების ისტორია.   

      Bvlgari- (იტალიური გამოთქმა: [bulɡari]) არის იტალიური ფუფუნების კომპანია, რომელიც ეკუთვნის ფრანგულ ფირმა LVMH,2011 წლის ოქტომბრიდან.მიუხედავად იმისა, რომ კომპანიამ სახელი თავისი სამკაულებით გაითქვა, დღეს ეს დივერსიფიცირებული ფუფუნების ბრენდია, რომელიც აწარმოებს  საათებს, სუნამოებს და აქსესუარებს.სახელი მომდინარეობს კომპანიის ბერძენი დამფუძნებლის         გვარიდან Sotirios Voulgaris.

Chanel
შანელის სახლი, უკეთ ცნობილი, როგორც შანელი (ფრანგ. Chanel)— პარიზული მოდის სახლი საფრანგეთში, რომელიც კოკო შანელმა დააარსა. ფორბსზე დაყრდნობით, შანელის სახლი ალენ და ჟერარ ვერტჰემერების ერთობლივი კერძო კომპანიაა, რომლებიც შანელის სახლის ადრეული (1924 წლის) პარტნიორის — პიერ ვერტჰემერის შვილიშვილები არიან.
  კოკო შანელი მოდის ისტორიაში შევიდა როგორც ქალის ტანისამოსში მამაკაცის სტილის შემომტანი. მან პირველმა შემოიტანა ქალებისთვის ტანისამოსის თავისუფალი სტილი, რითაც გაანთავისუფლა ქალები მკვეთრად შემოჭერილი ტანისამოსისგან, შექმნა შარვლის მოდელები მანდილოსნებისთვის. მას მოსწონდა ეს სტილი. 1917 წელს მოკლედ შეიჭრა თმები და ამით საფუძლელი დაუდო ქალის მოკლე ვარცხნილობების  მიმართულებას.
  1919 წლიდან კოკოს  ცხოვრებაში მომხდარი ტრაგედიის გამო იწყება   შანელის ცნობილი მოკლე შავი კაბების პერიოდი.
 1922 წელს კოკო შანელის და გენიალური ქიმიკოს-პარფიუმერის ერნესტ ბოს დაძაბული ერთობლივი მუშაობის შედეგად შეიქმნა 80 კომპონენტისგან შექმნილი "სუნამო ქალებისთვის ქალის სურნელით" Chanel №5

  მეორე მსოფლიო ომის შემდეგ, 1954 წელს 70 წელს მიტანებულმა კოკო შანელმაგადაწყვიტა მოდის სამყაროში დაბრუნება და გახსნა ახალი ბუტიკი Rue Cambon , რომლის საშუალებითაც ძალიან მალე მან დაიბრუნა თავისი სახელი. სწორედ შანელის ცნობილი ვარდისფერი კოსტუმი ეცვა ჟაკლინ კენედის მეუღლეზე მომხდარი თავდასხმის დღეს.

  ამჟამად კომპანიას ხელმძღვანელობს კარლ ლაგერფელდი.

Gucci

გუჩის სახლი, უკეთ ცნობილი, როგორც უბრალოდ გუჩი (იტალ. Gucci) — იტალიური მოდის და ტყავის ნივთების ლეიბლი. იგი დაარსებულია გუჩიო გუჩის მიერ ფლორენციაში, 1921 წელს. გუჩი ითვლება მსოფლიოში ერთ-ერთ ყველაზე ცნობილ, პრესტიჟულ და ადვილად ცნობად მოდის ბრენდად.

კომპანია გუჩის შექმნა, რა თქმა უნდა უკავშირდება გუჩიოს სახელს. მაგრამ მისი აყვავება და მსოფლიო აღიარება მისი შვილის ალდო გუჩის დამსახურებაა. მისი დამსახურებით ფირმის ასორტიმენტს ემატება ლეგენდარული გუჩის შარფები,გუჩის ჰალსტუჰები და მოგვიანებით გუჩის საათები. საკულტო გუჩის ჩანთაბამბუკის სახელურით აგრეთვე ალდოს დამსახურებაა.

 ცოტა ხნის წინ მან შეისყიდა ცნობილი ფეხსაცმელების ბრენდი Sergio Rossi. 

ZARA

-ტანსაცმლის საყოველთაოდ ცნობილი ბრენდია, რომელიც ეკუთვნის მოდური ტანსაცმლის მსოფლიოში ერთ-ერთ უმსხვილეს დისტრიბუტორ კომპანია ინდიტექს-ს. ზარას დამაარსებელმა ამანსიო ორტეგა გაონამ პირველი მაღაზია გახსნა 1975 წელს, რასაც მოჰყვა დიდი წარმატება და წარმოიქმნა მაღაზიათა ქსელი. ზარა ახორციელებს თავისი პროდუქციის გავრცელებას მაღაზიების საკუთარი ქსელის მეშვეობით. მაღაზიები, როგორც წესი, განთავსებულია ქალაქის ყველაზე ცოცხალ სავაჭრო ნაწილებში.

 კომპანია თვლის, რომ მისი მაღაზიები მისთვის საუკეთესო რეკლამაა. ამიტომ მაღაზიის დიზაინსა და არქიტექტურას ექცევა ძალიან დიდი ყურადღება საიმისოდ რათა შეიქმნას განუმეორებელი, თბილი და კაშკაშა ინტერიერი. კოლექციის განთავსება მაღაზიაში ხდება მიმდინარე სეზონის ტენდენციების გათვალისწინებით და ამასთანავე ისე, რომ გამოიყოს ყოველი კვირის სიახლეები.






Victoria’s Secret

ბრენდი ვიქტორია სეკრეტი (Victoria's Secret) შეიქმნა 1977 წელს სან–ფრანცისკოს (კალიფორნიის შტატი) გარეუბანში. მისი დამფუძნებელია სტენფორდის უნივერსიტეტის კურსდამთავრებული როი რაიმონდი.

ყველაფერი დაიწყო იქიდან, რომ ერთ მშვენიერ დღეს როი რაიმონდმა გადაწყვიტა თავისი საყვარელი მეუღლისათვის  ეჩუქებინა ქალის ლამაზი თეთრეული. მაგრამ, გამომდინარე იქიდან, რომ მაღაზიის გამყიდველები უხერხულობას გრძნობდნენ მამაკაცთან ქალის თეთრეულის შერჩევაში დახმარების პროცესში, სამწუხაროდ , ყიდვის მცდელობა წარუმატებლად დასრულდა.

სწორედ მაშინ როის მოუვიდა იდეა გაეხსნა ქალის თეთრეულის საკუთარი მაღაზია. პირველი ვიქტორია სეკრეტის მაღაზია გაიხსნა სტენფორდის სავაჭრო ცენტრში. მისი ინტერიერი იყო არაჩვეულებრივად მყუდრო. კედლებს ამშვენებდა ხის პანელები და დამშვენებული იყო ვიქტორიანული ეპოქის ელემენტებით. Victoria’s Secret დღითი დღე იზრდება. ბრენდს საუცხოო აქვს მომსახურება, პროდუქტი და რეკლამაც. ვიქტორია სექრეთის გოგონები კიდევ ერთ დამატებით ხიბლს აძლევენ ამ უდიდეს კომპანიას.

   დღესდღეობით მსოფლიოში უამრავი ცნობილი ბრენდი არსებოს.მაგალითად:

Dior,Adidas,Nike,Apple,D&G,Canon,.. და ა,შ. მათი პროდუქცია საკმაოდ მრავალფეროვანია.ისინი არ არიან ორიენტირებულნი მხოლოდ ტანსაცმლის ხაზზე.აგრეთვე გვთავზობენ სხვადასხვა აქსესუარებს,თანამედროვე ტექნიკას და სხვა უამრავ ნივთს,რომელსაც ჩვენ ყოველდიურად ვიყენებთ.